أهلن بكم بما انه الموقع ليبي نبدوا بأكلة ليبية بعدين انخشوا علي العالمي
Razz
أكلتنا ساهلة وحلوة و99 في المية من الناس يحبوها
اللي هي المكرونة مبكبكة
نحطوا زيت في الطنجرة
وانديروا عليها بصل لين يشكشك
وبعدين انحطوا لحم ونحركوه شوية في الزيت
وبعدين انحطوا طماطم حكة
وفلفل احمر
وملح وبزار
وانخلوهم يشكشكوا شوية
وبعدين انزيدوا شوية مياه
وانخلوها لن تغلي
ونقصروا عالنار
وبعدين لما يطيب اللحم انزيدوها مياه وانحطوا فيها فلفل اخضر قرون وانخلوها لن تغلي وانحطوا عليها المكرونة
مع التحريك
وبعدين انخلوها لن اطيب علي نار هادية
وكولوا بالهني
:ملاحظة
ممكن استبدال اللحم بالدجاج واضافة الخضروات بازيلياء وفول وكرنب زهرة وسفناري.
وممكن عملها بالدهان والقديد
وارحبوا باقتراحاتكم واكلات جديدة
